Filmê "Û Nêrgiz Bshkivîn" xelata Rêxistin

[dyaoko]

Filmê "Û Nêrgiz Bişkivîn" xelata Rêxistina Efûyê wergirt

Berlin-Avesta: Di Festîvala Fîlman ya Navneteweyî ya Berlînê "Berlinale" 2006 de, Rêxistina
Efûyê ya Navnetewî "Amnesty International" Filmê Kurdî " Û Nêrgiz Bişkivîn"
xelat kir.


Ev du sal in ku Amnesty vê xelatê pêşkêş dike. Nirxê xelatê 2500 Euro ye.
Filmê Kurdî yê ku ji aliyê du derhênerên başûrê Kurdistanê ve hatiye
kişandin di beşa Panorama de beşdarî Berlînale bûbû. Mesûd Salih û Hisên
Hesen Elî, him nivîskar him derhêner û him jî lîstikvanên "Û Nêrgiz
Bişkivîn" in.

Fîlmê "Û Nêrgiz Bişkivîn" tekoşîna Kurdan ya li başûrê Kurdistanê li dijî
rêjîma Sedam Hisên di salên heftêyî de radixe ber çavan. Ew behsa çîroka
ciwanekî kurd dike ku dikeve nava rêzên Pêşmergeyan û beşdarî şer dibe. Bi
demê re, ew dibîne ku şerê çekdarî weke alaveke siyasî ne di ciyê xwe de ye.
Li şûna şer êdî mijarên wekî mirovayetî, lêborîn û hêviya jiyaneke hevbeş ya
aştîyane ya çandên cuda dibin xalên giring.