Malpera bbc6music nivîseka li dor hunermendê mezinê kurd Zekeriya Ebdulla weşandiye ku ji Ansklopedyaya cîhaniya Wikipedia vegehastiye û bi navê "Zekeriya Ebdulla yek ji stranbêjên herî mezinên Rojhilata Navîn" weşandiye û tê de dibêje:-
Zekeriya Ebdulla li Hewlêrê li Kurdistanê hatiye dinê, di zaroktiya xwe de piraniya dem û heza xwe bi mûzîkê re derbas kiriye. Ew di malebatekê de mezin bû ku mûzîk wek hogira herî xwe ya mezin qebûl dikir.
Di sala 1993ê de koçbarî Swêdê bû û dest bi karê mûzîkê kir, her li wir bi stranbêjîn navdêrên kurd re dest bi jenîna Kîborê kir. Di sala 1998ê de yekemîn albuma xwe (To hatî) weşand û ev albuma wî bû pira wî ya ku jê ve derbasî cîhana mûzîkê bû û karibû navê xwe li wir bide bihîstin.
Sala 2000ê albuma xwe ya bi navê "Bigerrêwe" weşand, piştire karên xwe pêşvetir birin û bi riya weşandina albuma "Daye"di sala 2001ê de bêtirî milyoneka alîgirên kurd li xwe civandin. Piştî vê yekê jî berdewam pêşve çûye, bi awakî ku her dema bixwaze dikare pir alîgiran li dorên xwe bicivîne.
Sala 2002ê albuma xwe ya silverî ya bi navê "Rojgar" weşand û bala hemû alîgirên mûzîka Kurdistanê kişande ser xwe. Heta niha jî 1.5 milyon kopiyên vê albumê hatine çapkirin û li Kurdistanê bûye albuya wî ya silverî. Bi riya vê albumê pir alîgirên wî li Kurdistanê çê bûn. Di vê albumê de 14 stran hene, herweha jî gelek stranên xwe kirine vîdeo klîp û li kanalên kurdî yên wek Kurdistan TV û KURDsatê têne weşandin û tenê ji stêrikeka hunerî jî mezintir û rêzdartir bûye.
Baweriya Zekeriya tenê bi stêrikbûyinê nehatiye û albuma "Tîlînaz" jî di sala 2004ê de weşand ku bû albuma zêrîna Zekeriya û li Kurdistanê sê milyon kopiyên wê hatine çapkirin. Pir alîgirên Zekeriya yên ciwan hene, lê belê alîgirên mûzîka wî di nava hemû temenan de jî hene.
Niha jî Zekeriya ji bo alîgirên xwe bi stafeka nû re mijûlî afirandinê ye û hun dikarin nûçeyên wî yên herî nû jî di malpera wî de bixwînin:
http://www.zakariamusic.com
